თბილისში სკოლებზე თავდასხმის შესახებ მუქარა გავრცელდა: „ავაფეთქებთ სკოლებს და სავაჭრო მოლებს!“ - რა ინფორმაცია გამოქვეყნდა „ტელეგრამ“ არხზე, რის გამოც რამდენიმე სკოლამ სწავლა შეაჩერა

რუსული ტელეგრამ არხზე Ужаc Тбилиси ჯგუფში ვრცელდება მუქარა თბილისის სკოლებთან დაკავშირებით.
„დავხოცავთ სკოლის მოსწავლეებს, ავაფეთქებთ თბილისის საჯარო სკოლებს და სავაჭრო მოლებს“, - წერია მიმართვაში. იქვე დასახელებულია სკოლები, სადაც შეიარაღებული ადამიანები აპირებენ თავდასხმას.
ამის შესახებ უკვე ცნობილია სამართალდმცავი უწყებებისთვის. შესაბამისი სამსახურები ახორციელებენ ყველა გადაუდებელ და საჭირო ღონისძიებას.
ამ ინფორმაციის გავრცელების შემდეგ დედაქალაქის რამდენიმე სკოლამ შეწყვიტა სასწავლო პროცესი.