მიკროტალღურ ღუმელს შეუძლია მრავალი თვალსაზრისით გაგიადვილოთ ცხოვრება, ის განსაკუთრებით კომფორტულია მათთვის, ვისაც სამზარეულოსთვის ცოტა დრო აქვს, მაგრამ არ დაგვავიწყდეს, რომ გაცხელებისას საკვები ხშირად კარგავს სასარგებლო თვისებებს, ხდება უფრო მავნე, ვიდრე გაცხელებამდე იყო, რადგან ზოგიერთი პროდუქტი არათავსებადია მაღალ ტემპერატურასთან.

კვერცხი

ბევრი ადამიანი ვერ წარმოიდგენს საუზმეს ომლეტის ან ათქვეფილი კვერცხის გარეშე და მიუხედავად რეცეპტების სიმრავლისა, უნდა გახსოვდეთ, რომ არ გამოიყენოთ მიკროტალღური ღუმელი კვერცხის მომზადებისას. ტემპერატურის უეცარი მატების გამო კვერცხის შიგნით წარმოიქმნება ორთქლი, მატულობს წნევა, ამიტომ კვერცხის აფეთქების ალბათობა მაღალია.

ცხარე წიწაკა

ცხარე წიწაკა შეიძლება აფეთქდეს მიკროტალღურ ღუმელში გაცხელებისას ან, უარეს შემთხვევაში, ცეცხლი წაეკიდოს. წიწაკა შეიცავს კაპსაიცინს და როდესაც ის თბება მიკროტალღურ ღუმელში, კაპსაიცინი გარდაიქმნება აეროზოლად, რის შედეგადაც წარმოიქმნება წიწაკის სპრეი, რომელსაც შეუძლია დაგწვათ ღუმელის გახსნისთანავე.

გაყინული ხორცი

თუ ფიქრობთ, რომ მიკროტალღური ღუმელი საუკეთესო დამხმარეა სადილის მოსამზადებლად, ცდებით. მიკროტალღურ ღუმელში ხორცის გალღობისას იზრდება ბაქტერიების რაოდენობა, რომლებიც შეიცავს პროდუქტს, რაც იწვევს საკვებით გამოწვეული ინფექციების წარმოქმნას. გახსოვდეთ, რომ გალღობილი ხორცი საზიანოა ჯანმრთელობისთვის, ზოგჯერ გალღობილი ხორცის კიდეები ნაცრისფერი ხდება, ეს ნათლად აჩვენებს, თუ რა ზიანი შეიძლება მივიღოთ ასეთი პროდუქტისგან. ამიტომ უმჯობესია გამოიღოთ ის ღამე მაცივრიდან და გაალღოთ ოთახის ტემპერატურაზე.

რძის პროდუქტები

რამდენიც არ უნდა გინდოდეთ რძის ან იოგურტის სწრაფად გაცხელება, უმჯობესია პროდუქტი წინასწარ გამოიღოთ მაცივრიდან და ცოტა ხანს დაელოდოთ. გაცხელებისას ცოცხალი ლაქტო და ბიფიდობაქტერიები სწრაფად ქრება და პროდუქტებში თითქმის აღარ რჩება სასარგებლო თვისებები. უფრო მეტიც, რძის შედედებისა და დამჟავების ალბათობაც ძალიან მაღალია.

დედის რძე

დედის რძე, ისევე როგორც ფერმენტირებული რძის პროდუქტები არ არის რეკომენდებული მიკროტალღურ ღუმელში გავაცხელოთ. თერმული გამოსხივება ნაწილდება არათანაბრად, ამიტომ რძე ალაგ-ალაგ ცხელდება, ცხელი რძე კი ბავშვს ადვილად დაწვავს. გარდა ამისა, კვლევებმა აჩვენა, რომ მიკროტალღურ ღუმელში გაცხელების შემდეგ დედის რძეში იმუნოსტიმულატორული ცილები ნადგურდება და სასარგებლო თვისებები მინიმუმამდე მცირდება. ერთ-ერთი ყველაზე სწორი გზაა დედის რძის გაცხელება ცხელ წყალში ან ქილაში ცხელი წყლის ქვეშ.

დამუშავებული ხორცი

არაფერია იმაზე ადვილი და სწრაფი, ვიდრე ძეხვის ან ბეკონის გაცხელება მიკროტალღურ ღუმელში, მისი მოხარშვის ან შეწვის ნაცვლად. ამ შემთხვევაში მაღალია გულის დაავადების განვითარების რისკი, ვინაიდან გაცხელებისას გადამუშავებული საკვები წარმოქმნის ქოლესტერინის მაღალ რისკს.

კარტოფილი

კარტოფილი შეიცავს დიდი რაოდენობით სახამებელს, რომელიც მიკროტალღური ღუმელის გავლენით განიცდის ჰიდროლიზს (ქიმიური რეაქცია ნივთიერებასა და წყალს შორის). რეაქციის შედეგად პროდუქტის კვებითი ღირებულება მინიმუმამდე მცირდება და წარმოიქმნება მძიმე ქიმიური ნაერთები, რომლებიც ზრდის პანკრეასის დატვირთვას და ზიანს აყენებს ორგანიზმს.

გაყინული კენკრა

კენკრის გაყინვა სწორი პრაქტიკაა, მით უმეტეს, რომ მათი სასარგებლო თვისებები შენარჩუნებულია და როცა გინდათ, შეგიძლიათ მოხარშოთ კიდეც. მთავარია, შეეცადოთ არ გამოიყენოთ მიკროტალღური ღუმელი გალღობისთვის, რადგან ამ მეთოდით გაქრება იმ სასარგებლო კომპონენტების უმეტესობა, რისთვისაც შეინახეთ კენკრა.

სოკო

მიკროტალღოვან ღუმელში სოკო შეიძლება საშიში იყოს პროდუქტის მაღალი ცილის შემცველობის გამო. მომზადების შემდეგ ცილის სტრუქტურა იცვლება, ამიტომ სოკო ხელახლა არ უნდა გააცხელოთ (შეცვლილი ცილა შეიძლება საშიში იყოს ნაწლავებისთვის) ამგვარი მეთდით გაცხელებულმა სოკომ შეიძლება გამოიწვიოს კუჭის გამართული ფუნქციონირების დარღვევა.

თაფლი

დროთა განმავლობაში, თაფლი ხდება მყარი და ბლანტი: ის შაქრდება ან კრისტალიზდება. ეს ბუნებრივი პროცესი კი ამ პროდუქტის მაღალი ხარისხის დასტურია. არ უნდა შეეცადოთ ორიგინალური კონსისტენციის დაბრუნებას გახურებით, რადგან ასე ამ პროდუქტის ყველა სასარგებლო თვისება გაქრება.

მწვანილები

მიკროტალღურ ღუმელში გაცხელებისას მწვანილი კარგავს გემოს და სასარგებლო თვისებებს. მწვანილები შეიცავს ნიტრატებს, რომლებიც ტემპერატურის მატებისას გადაიქცევა ნიტროზამინად (საშიში ორგანული ტოქსიკური ნაერთი), რომლის მოხმარებამ შეიძლება გამოიწვიოს მოწამვლა და კუჭის აშლილობა.

წყარო: ​trend.ge​​​