პატარა ქართველი გოგონა, ევა ანა მარია ბუთიაშვილი ამჯერად ინდური მედიის ყურადღების ცენტრში მოექცა. მისმა ვიდეოებმა, სადაც ბოლივუდის პოპულარულ სიმღერებზე ცეკვავს და ჰინდი ტექსტებს მღერის, ინდოეთის სოციალურ ქსელებში დიდი გამოხმაურება გამოიწვია. გოგონას ერთ-ერთმა ვიდეომ, რომელშიც ის შაჰ რუხ ხანისა და კაჯოლის მონაწილეობით გადაღებული ცნობილი ფილმის - "Dilwale Dulhania Le Jayenge“-ის სიმღერაზე ცეკვავს, რამდენიმე დღეში ათეულობით მილიონი ნახვა დააგროვა.
ევას პოპულარობის შესახებ ბოლო დღეებში არაერთმა გავლენიანმა ინდურმა გამოცემამ დაწერა, მათ შორის The Times of India-მ, NDTV-მ, The Indian Express-მა, India Today-მ, The Economic Times-მა, Moneycontrol-მა და Aaj Tak-მა.
ყველაფერი Instagram-ზე გამოქვეყნებული ვიდეოთი დაიწყო. ევა, რომელიც სოციალურ ქსელში @anamaria_eva_ სახელით არის ცნობილი, სხვადასხვა ენაზე შესრულებულ სიმღერებზე ცეკვისა და სიმღერის ვიდეოებს რეგულარულად აქვეყნებს. მის გვერდზე ბოლივუდის კომპოზიციებიც ხშირად გვხვდება, თუმცა ერთ-ერთმა ბოლო ჩანაწერმა მანამდე გამოქვეყნებულ ვიდეოებს პოპულარობით საგრძნობლად გადააჭარბა - წერს ადგილობრივი მედია.
განაგრძეთ კითხვა>>>
კომენტარები (0)