შესაძლოა, ეს წელი ყველაზე მძიმე იყოს - მეტეოროლოგების პროგნოზი ელ-ნინიოს პერიოდზე

ტროპიკული ტყეები პლანეტის ერთ-ერთი უმნიშვნელოვანესი ბუნებრივი დამცავია. ისინი ატმოსფეროდან დიდი რაოდენობით ნახშირორჟანგს (CO₂) შთანთქავენ და მას მცენარეულ მასად ინახავენ, რითაც კლიმატის ცვლილების შენელებაში მნიშვნელოვან როლს ასრულებენ.

თუმცა, ტემპერატურის მატება და გვალვები ამ ბუნებრივ ბალანსს საფრთხეს უქმნის.

როდესაც გარემო ძალიან ცხელი და მშრალი ხდება, მცენარეები ფოთლების ფორებს ხურავენ, რათა წყალი შეინარჩუნონ. მაგრამ ამ პროცესის გამო ისინი ვეღარ იღებენ საკმარის ნახშირორჟანგს, რომელიც ფოტოსინთეზისა და ზრდისთვის სჭირდებათ.

ეს ნიშნავს, რომ ექსტრემალური კლიმატური პირობების დროს ტროპიკულმა ტყეებმა შესაძლოა ნაკლები CO₂ შთანთქან და დაკარგონ თავიანთი მთავარი ფუნქცია. იყვნენ ბუნებრივი „ნახშირბადის საცავი“. მეცნიერები განსაკუთრებით შეშფოთებულები არიან ელ-ნინიოს მსგავსი მოვლენების გახშირებით, რადგან მათ შესაძლოა ტროპიკული ტყეების უნარზე სერიოზული გავლენა მოახდინონ.


წყარო: ​primetime.ge​​​