გამოკვეთილი სიმპტომები, რომელიც ომიკრონს ახასიათებს - რა უნდა ვიცოდეთ ახალი შტამის შესახებ?

იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძე იმ სიმპტომების შესახებ საუბრობს, რომელიც კორონავირუსის ე.წ. ომიკრონის შტამს ახასიათებს. ჩხაიძის თქმით, ახალი შტამი მსუბუქ გაციებას ჰგავს:

"კვლევა, რომელიც გამოქვეყნდა რამდენიმე საათის წინ, მიუთითებს იმაზე, რომ "ფაიზერის" ვაქცინა ეფექტურია 33%-ით ინფიცირების შემთხვევების, ხოლო 70%-ით მძიმე მიმდინარეობის თავიდან აცილების თვალსაზრისით. 3-დღიანი ავადობა ახასიათებს, ძირითადად, ეს არის ყელის ჩაფხაჭნის შეგრძნება, მშრალი ხველა, თავისა და კუნთების მსუბუქად გამოხატული ტკივილი - ანუ ძალიან ჰგავს მარტივ გაციებას. ერთი მაჩვენებელი, რომელიც ბავშვებისთვის არის ძალიან საყურადღებო არის ის, რომ "ომიკრონით" ინფიცირების რისკი არის ძალიან მაღალი, გაცილებით ვიდრე ეს იყო დელტა ვარიანტის შემთხვევაში," - აცხადებს ჩხაიძე.

წყარო: ​newposts.ge​​​