„ადამიანი არის ცუდად, არის სამკურნალო და არ შეიძლება ის, რასაც თქვენ აკეთებთ“ - ია ფარულავა ზალიკო ბერგერს და "ცეკვავენ ვარსკვლავებს" ერთად გაუსწორდა

"ცეკვავენ ვარსკვლავებში" ზალიკო ბერგერის გამოსვლამ და მერე მისმა უხამსმა ჟესტმა საზოგადოების მწვავე რეაქცია გამოიწვია. მისი დამოკიდებულების გამო აღშფოთება ვერ დამალა მსახიობმა ია ფარულავამ, რომელმაც ვიდეომიმართვაც გაავრცელა, სადაც მეგაშოუზე და მის მონაწილეზე საუბრობს:

„გუშინ ერთ-ერთი სატელევიზიო პროექტის ყურებისას, ერთ-ერთი მონაწილის მდგომარეობამ ძალიან დამთრგუნა, რეიტინგის გამო ასეთი პრ***ბა არ შეიძლება... ადამიანი არის ცუდად, არის სამკურნალო და არ შეიძლება ის, რასაც თქვენ აკეთებთ. ეს არის იგივე, რომ ავადმყოფი ადამიანი გამოიყვანო და ძალით რაღაცები აკეთებინო, აჯამბაზო. 
თან პროექტი, რომელიც უნდა ასხივებდეს ჯანსაღი ცხოვრების წესს, სიხარულს, ბედნიერებას, სილამაზეს, ჯანსაღ სხეულს, ჯანსაღ სულს...“ - ამბობს ია ფარულავა.