ვრცელდება სასიხარულო ინფორმაცია და ემოციური ვიდეო – ქალი, რომელიც მშობიარობის შემდეგ დამძიმდა, კომიდან გამოვიდა

20 წლის ასმათ ბერიძის გამოჯანმრთელების პირველი ნიშანია – ახალგაზრდა ქალი კომიდან გამოვიდა. მკურნალობას ამ ეტაპზე ის თურქეთში, სამსუნის ერთ-ერთ კლინიკაში აგრძელებს. მისი მდგომარეობის გაუმჯობესებას ვიდეოს მთელი საქართველო სიხარულით შეხვდა.

შეგახსენებთ, რომ რამდენიმე დღის წინ ასმათმა ბათუმის კლინიკა „ბაოში“ მეორე შვილი გააჩინა. საკეისრო კვეთის შედეგად დაიბადა პატარა ალისია. მშობიარობის შემდეგ ახალგაზრდა ქალის მდგომარეობა მოულოდნელად დამძიმდა – მან გონება დაკარგა, ხოლო ჩატარებული კვლევებით მენინგიტი დაუდგინდა. თავდაპირველად ის ბათუმში, რეანიმაციულ განყოფილებაში იმყოფებოდა, რის შემდეგაც მკურნალობის გასაგრძელებლად თურქეთში გადაიყვანეს.