ვიდეო: „15 მეტასტაზი გაუქრა, შეუძლებელი არაფერი არ არის დედა ღვთისმშობლისთვის... ახლახან ჰყავდათ მოყვანილი, ავადმყოფობის კვალიც არ ეტყობოდა“ - რას ჰყვება მორჩილი მარინე პანტანასას სასწაულმოქმედ ხატზე

ტელეკომპანია „რუსთავი 2“-ის გადაცემა – „დილა მშვიდობისა საქართველო“ საკუთარ მაყურებელს დღევანდელ ეპიზოდში წმინდა პანტანასას სასწაულმოქმედი ხატის შესახებ უყვება.

ხატი ზაჰესის დასახლებაში მდებარე პანტანასას ღვთისმშობლის დედათა მონასტერშია დაბრძანებული. ხატთან დაკავშირებული სასწაულების შესახებ რუბრიკაში მონასტრის მორჩილი მარინე საუბრობს.

„3 წლის ბავშვი გერმანიაში ჰყავდათ წაყვანილი, მისი მდგომარეობა ისეთი მძიმე იყო, ძვლებზეც გადასული იყო, დაავადება ახრჩობდა. პანტანასას ზეთს გერმანიაში უგზავნიდნენ, რომ მისთვის ზეთი მუდმივად ეცხოთ, ის ბავშვი ახლახან ჰყავდათ მოყვანილი, ავადმყოფობის კვალიც არ ეტყობოდა…

საავადმყოფოდან უკვე გაწერილი იყო – ჩვენ არაფერი შეგვიძლია, უძლური ვართ ამ დაავადებასთანო, 15 მეტასტაზი ჰქონია თავში. ზეთისცხების წყალობით განიკურნა, გახარებული და გაბრწყინებული მოვიდა, თავიდან 15 მეტასტაზი გაუქრა.

უიმედობა არ არსებობს, ღვთისთვის და დედა ღვთისმშობლისთვის შეუძლებელი არაფერია, მთავარია, ჩვენი რწმენა, ჩვენი სურვილი დავანახოთ, ამ ყველაფერს ღვთისმშობელი აკეთებს.

აქ მარტო ონკოპაციენტები არა, სხვადასხვა სულიერი თუ ფიზიკური ჯანმრთელობის პრობლემებით მოდიან ადამიანები და ღვთისმშობელი უნუგეშოდ არავის არ ტოვებს“, – აღნიშნავს მორჩილი მარინე.