ერთი დაჭრილი დაიღუპა, ორი მძიმედაა - რა არის ამ დროისთვის ცნობილი ქუთაისში დაჭრის საქმეზე

ქუთაისში, გამსახურდიას ქუჩაზე სროლის შედეგად დაჭრილი ერთ-ერთი მამაკაცი გარდაიცვალა.

ადგილობრივები "ინფო იმერეთთან" აცხადებენ, რომ 50 წლამდე მამაკაცს, რომელიც გამსახურდიას ქუჩაზე ქირით ცხოვრობდა, ბრმა ტყვია მოხვდა და მიღებული დაზიანებების შედეგად მალევე დაიღუპა.

შემთხვევის შედეგად დაჭრილია ორი ადამიანი.

სროლა გამსახურდიას ქუჩაზე ცოტა ხნის წინ იყო. ამ დრომდე დაუდგენელი პირი ერთ-ერთ ეზოში შეიჭრა და ცეცხლი გახსნა.

გამოძიება სისხლის სამართლის კოდექსის 19-109-ე მუხლის „ლ“ ქვეპუნქტით მიმდინარეობს, რაც თავისუფლების 20 წლამდე ან უვადო აღკვეთას ითვალისწინებს.

შსს-ში აცხადებენ, რომ დამნაშავე პირის დადგენისა და დაკავების მიზნით სამართალდამცველები აქტიურ საგამოძიებო მოქმედებებს ატარებენ. 

წყარო: ​infoimereti.ge​​​