ამერიკელ მამაკაცს, რომელმაც ოჯახიდან გაქცევის მიზნით სიკვდილი გაითამაშა და საქართველოში ქალთან შესახვედრად ჩამოვიდა, პატიმრობა შეუფარდეს

აშშ-ში, ვისკონსინში მცხოვრებ სამი შვილის მამას, რომელმაც საკუთარი სიკვდილი გაითამაშა, რათა ახალი ცხოვრების დასაწყებად ევროპაში გაქცეულიყო, 89 დღით თავისუფლების აღკვეთა მიესაჯა.  სწორედ ამდენი დრო დასჭირდა ხელისუფლებას მის საპოვნელად - ინფორმაციას BBC ავრცელებს.

45 წლის რაიან ბორგვორტი, თევზაობისას გაუჩინარდა, რა დროსაც მან ტელეფონი, პირადობის დამადასტურებელი დოკუმენტი და გადაბრუნებული ნავი დატოვა.

პოლიცია მის ცხედარს ეძებდა, თუმცა მოგვიანებით აღმოაჩინეს, რომ ის კანადაში, შემდეგ კი საქართველოში გაიქცა.

ოფიციალური უწყებების ცნობით, მამაკაცი საქართველოში სოციალურ ქსელში გაცნობილ უზბეკ ქალთან შესახვედრად ჩავიდა.

89-დღიანი პატიმრობა, რომელიც მოსამართლემ მას მართლმსაჯულებისთვის ხელის შეშლისთვის შეუფარდა, ორჯერ აღემატება იმ ვადას, რომელიც საქმის პროკურორებმა საპროცესო შეთანხმების ფარგლებში მოითხოვეს.

წყარო: ​primetime.ge​​​