ჩინეთში ახალი ვირუსის პანდემია გავრცელდა - მიღებულია COVID-19 პანდემიის დროს მოქმედი ზომები

ივლისიდან მოყოლებული, ჩინეთის გუანდუნის პროვინციაში კოღოს მიერ გადამდები ვირუსის 7000-ზე მეტი შემთხვევა დაფიქსირდა, რამაც COVID-19 პანდემიის დროს მოქმედი ზომების მიღება გამოიწვია, - ინფორმაციას BBC ავრცელებს.

მედიის ცნობით, ქალაქ ფოშანში, რომელიც ყველაზე მეტად დაზარალდა, “ჩიკუნგუნიათი” დაავადებული პაციენტები იძულებულნი არიან, საავადმყოფოში დარჩნენ, სადაც მათი საწოლები კოღოს ბადეებით არის დაცული. მათი გაწერა მხოლოდ უარყოფითი ტესტის შემდეგ ან იზოლაციის ერთკვირიანი ვადის ამოწურვის შემდეგ შეიძლება.

“ჩიკუნგუნიას” ვირუსი ინფიცირებული კოღოს ნაკბენით ვრცელდება და იწვევს ცხელებასა და სახსრების ძლიერ ტკივილს, რაც ზოგჯერ შეიძლება წლების განმავლობაში გაგრძელდეს.

როგორც BBC წერს, მიუხედავად იმისა, რომ ჩიკუნგუნიას ცხელების აფეთქებები ჩინეთში იშვიათია, ისინი ხშირია სამხრეთ და სამხრეთ-აღმოსავლეთ აზიაში, ასევე - აფრიკის ნაწილებში.

წყარო: ​primetime.ge​​​