ცნობილი ხდება რა გახდა ავარიის მიზეზი, რომელსაც სამი გოგონა ემსხვერპლა

გონიოში დატრიალებული ტრაგედიიის დეტალებს ახლა სამართალდამცავები არკვევენ. როგორც ირკვევა, ცენტრალურ საავტომობილო გზაზე მიმავალმა BMW-ს ავტომობილის მძღოლმა საჭე ვერ დაიმორჩილა და იქვე სახლთან გაჩერებულ სატვირთო ავტომობილს დაეჯახა. სამწუხაროდ შეჯახება იმდენად ძლიერი აღმოჩნდა, რომ BMW-ს მარკის მანქანაში მყოფი სამი გოგონა ადგილზე გარდაიცვალა, ხოლო ორი ბიჭი დაშავდა. ისინი სასწრაფო სამედიცინო დახმარების ბრიგადამ კლინიკაში გადაიყვანა.

ჩვენი ინფორმაციით, მათგან ერთმა მსუბუქი დაზიანება მიიღო, ხოლო მეორე ახალგაზრდას ოპერაცია დასჭირდა. შემთხვევის ადგილზე მუშაობდნენ ექსპერტ-კრიმინალისტები. ისინი დაადგენენ ავტოავარიის მიზეზებს, გარდაცვლილი გოგონების ცხედრები ექსპერტიზაზე გადასვენეს.

ავარიის მიზეზად გადაჭარბებული სიჩქარე სახელდება. უმძიმესია მომხდარი ტრაგედიის შედეგი. სამი ულამაზესი გოგონა ადგილზე დაიღუპა.

ფაქტზე გამოძიება 276-ე მუხლით დაიწყო.


წყარო: kvirispalitra.ge