ქართველი "კანონიერი ქურდები" ჯერ თურქეთში დაერივნენ ერთმანეთს და მერე საქართველოში გააგრძლეს ჩხუბი და ცემა - საქმის დალაგებაში ერთ-ერთის ცოლიც კი მონაწილეობდა

"კანონიერ ქურდებს" შორის თურქეთში დაწყებული დაპირისპირება საქართველოში გაგრძელდა. "კურიერმა" დღეს ექსკლუზიურად მოიპოვა მეზობელ ქვეყანაში კრიმინალურ ავტორიტეტებს შორის მომხდარი ფიზიკური დაპირისპირების ამსახველი ვიდეომასალა. მასალაში ჩანს, რომ ჯეირან კინწურაშვილი თენგიზ ხოფერიას ფიზიკურად უსწორდება.

"კურიერმა" კონფლიქტის სავარაუდო მიზეზიც გაარკვია - ჯეირან კინწურაშვილმა ძველი წყენა გაიხსენა და თენგიზ ხოფერია იმის გამო სცემა, რომ ერთ-ერთ შეკრებაზე ხოფერიამ ის "არაქურდად" მოიხსენია.

თენგიზ ხოფერია და ჯეირან კინწურაშვილი იმ ფარულ სატელეფონო საუბრებშიც მონაწილეობენ, რომლებიც დღეს შინაგან საქმეთა სამინისტრომ გაასაჯაროვა. ჩანაწერების ეს ეპიზოდი, "კურიერის" ინფორმაციით, თურქეთში მომხდარი ინციდენტის გაგრძელებაა. "კანონიერ ქურდებს" შორის დაპირისპირებაზე, თენგიზ ხოფერიას მეუღლე, კრიმინალურ ავტორიტეტს დიმიტრი კომახიძეს ესაუბრებოდა.


დეტალურად იხილეთ ვიდეოში