ტურიზმს პულსიც აღარ ესინჯება, რასაც წლები ვაშენებდით, ახლა ეგ ყველაფერი ინგრევა - ცოტნე ჯაფარიძე

„ტურიზმს პულსიც აღარ ესინჯება, რასაც წლები ვაშენებდით, ახლა ეგ ყველაფერი ინგრევა,“ - ამის შესახებ „ტრეფიკ თრეველის“ დამფუძნებელმა ცოტნე ჯაფარიძემ თავისუფალი ბიზნესების პლატფორმის შეხვედრის დაწყებამდე განაცხადა.

„მთლიანად ეკონომიკა ძალიან მძიმე მდგომარეობაშია, თუ დავკონკრეტდებით და ტურიზმზე ვილაპარაკებთ, ტურიზმს საერთოდ პულსიც აღარ ესინჯება, ისეთ მდგომარეობაში ვართ.

რაც შეეხება მოლოდინებს, სიტუაცია რა თქმა უნდა კიდევ უფრო გაუარესდება, რადგან იმ ქვეყანაში, რომლის ხელისუფლების უმაღლესი პირებიც არიან დასანქცირებული, ჩამოსვლისგან თავს შეიკავებენ ისეთი მაღალმხარჯველი ტურისტები, რომლებიც გამოირჩევიან იმით, რომ ეკონომიკაში შეაქვთ მნიშვნელოვანი წვლილი. ზოგადად, რასაც წლები ვაშენებდით, ეგ ყველაფერი ახლა ინგრევა,“ - აღნიშნა ჯაფარიძემ.
ცნობისთვის, დღეს თავისუფალი ბიზნესების პლატფორმის მონაწილეები შეხვედრას მართავენ. შეხვედრაზე მიწვეული არიან ის კომპანიებიც, რომლებიც პლატფორმაზე ხელმომწერებს შორის არ იყვნენ. შეხვედრის განხილვის თემა კი ეკონომიკაზე არსებული სიტუაციის გავლენა.
წყარო: ბიზნესპრესნიუსი