"უთხრეს, არ დადგება შენგან მსახიობიო,ის კომისიის წევრებს მოუტრიალდა, მოვა დრო და რუსთაველის თეატრიდან ტაშით გამომასვენებენო, ეს დღეს დადგა" - მუსერიძე

მსახიობი ნიკა ქაცარიძე რუსთაველის თეტრიდან, უკანასნელ გზაზე ტაშით გააცილეს. ტელეწამყვანი თამუნა მუსერიძე სოციალურ ქსელში ფაქტის ამსახველ ფოტოს აქვეყნებს და  ნიკა ქაცარიძის შესახებ ერთ ისტორიას ყვება:

“თეატრალურ უნივერსიტეტში ერთ პერიოდში ვსწავლობდით. ორივემ გვიან ჩავაბარეთ. ნიკა პირველ ჯერზე არ მიიღეს, არ დადგება შენგან მსახიობიო. კომისიის წევრებს მოუტრიალდა , არ დადგება კი არა, მოვა დრო და რუსთაველის თეატრიდან ტაშით გამომასვენებენო. ეს დღეს დადგა !” – წერს მუსერიძე.