ცნობილი გერმანელი ფეხბურთელის, მიხაელ ბალაკის შვილი ავტოკატასტროფას ემსხვერპლა. ამის შესახებ Mirror-ი წერს.

გამოცემის ინფორმაციით, 18 წლის ემილიო პორტუგალიაში, 5 აგვისტოს ღამეს ავარიაში მოჰყვა. შემთხვევის ადგილზე მეხანძრე-მაშველები იყვნენ მობილიზებულები. სხვა დეტალები ამ ეტაპზე უცნობია.

2004–2010 წლებში მიხაელ ბალაკი გერმანიის საფეხბურთო ნაკრების კაპიტანი იყო, საკლუბო დონეზე კი მიუნხენის „ბაიერნის“, ლევერკუზენის „ბაიერის“, ლონდონის „ჩელსის“ ღირსებას იცავდა. წარმატებული კარიერის მიუხედავად, ვერც საკლუბო და ვერც სანაკრებო დონეზე ვერცერთი დიდი საერთაშორისო საფეხბურთო ტურნირის გამარჯვებული ვერ გახდა.

წყარო : იმედი