ავარის შემდეგ ადგილზე მისულ პატრულსა და სასწრაფოს ექიმებს მანქანებში არავინ დახვდა

ავტოსაგზაო შემთხვევა მოხდა ავტობანზე. თბილისის მიმართულებით მოძრაობის ორი მსუბუქი ავტომანქანა ერთმანეთს შეეჯახა.

ერთ-ერთ სატრანსპორტო საშუალებაზე აღნიშნულია, რომ ის სარგებლობს სპეციალური საშვით.



ადგილზე საპატრულო ეკიპაჟი და სასწრაფო დახმარების ბრიგადა გამოცხადდა, თუმცა პოლიციას და ექიმებს მანქანებში მსხდომთაგან არავინ დახვდა.

სატრანსპორტო საშუალებების მფლობელები დაადგინეს, თუმცა ვინ იმყოფებოდნენ სალონში, პოლიცია იკვლევს.

გორი-თბილისის მონაკვეთზე (მე-60 კმ) მოძრაობა აღდგენილია.