"ეს რა ქენი ბიჭო?! მოგიკვდეს ჩემი თავი! კაცურად იცხოვრე და კაცის სახელით წახვედი!.." - რა ისტორიას იხსენებს გია ბაღაშვილი მამუკა ონაშვილზე?

მუსიკოსი, გია ბაღაშვილი მომღერალ მამუკა ონაშვილის ტრაგიკულად დაღუპვას სოციალურ ქსელში ეხმაურება და ემოციურ ისტოეიებს იხსენებს.

"აღარ მყავს ჩემი მამუკა! ჩემი ბაჯაღლო გულის კაცი, ცარიელი გული, უნიჭიერესი, უღალატო, თბილი, სიყვარულით სავსე,...

როგორ გამოგვეცალე ძმაო! მოგიკვდეს ჩემი თავი! ცრემლები მახრჩობს...
გახსოვს კოვიდი რომ დაგემართა, აქეთ რომ გვამშვიდებდი არაფერი მომივა, ამან რა უნდა მიქნასო...
გახსოვს, პალატაში ცხელი ელარჯი რომ ამოგიტანე, შენ რომ ზეწარი აიფარე და საწოლის ქვეშ შეძვერი არ გადაგედოსო...
გახსოვს, დოიჯას ამბებს რომ ვიხსენებდით, სულ იმას იმეორებდი, როგორ დამტოვაო...
გახსოვს, სტუმრები რომ გყავდა, თამადა იყავი, ბანკეტიდან ფილარმონიაში კონცერტზე მკვდარი რომ მოხვედი და მთხოვე, აზრზე რომ მოვიდე ამ ვისკის ბოთლს ჩავცლი და სცენაზე გამიშვი, არაფერი შემეშლებაო... რომ გაგიშვი და მართლა არაფერი შეგშლია...
შენ არასოდეს, არავისთან არაფერი შეგშლია! კაცურად იცხოვრე და კაცის სახელით წახვედი!.. მაგრამ რატომ ასე ადრე?!.. რატომ?!...
გენაცვალე მამუკა, ღმერთმა დაგიმკვიდროს სასუფეველი ჩემო უსაყვარლესო ძმაო!", - წერს გია ბაღაშვილი.

შეგახსენებთ, რომ მამუკა ონაშვილი 30 ივლის ნატახტართან ავტოავარიაში მოყვა. მომღერალი პირველ აგვისტოს საავადმყოფოსი გარდაიცვალა.

წყარო: tia.ge