ხელბურთი

 2018/29/05 18:35

ხელბურთი
ქართველი ხელბურთელის მონპელიე ჩემპიონთა ლიგის გამარჯვებულია
ავტორი
ირაკლი გოგავა

17 წლის ქართველი ხელბურთელის, გიორგი ცხოვრებაძის მონპელიემ ჩემპიონთა ლიგა მოიგო. მონპელიემ ნახევარფინალში შარშანდელი ჩემპიონი, მაკედონიის ვარდარი 29:28 დაამარცხა, ფინალში კი, 32:27 მოუგო თანამემამულე ნანტს.

რაოდენ გასაკვირიც უნდა იყოს, ნახევარფინალში სამი ფრანგული კლუბი თამაშობდა და საოცარი ის უფრო იქნებოდა, რომელიმე მათგანს თასი ვერ აეღო. ერთ-ერთ უმთავრეს პრეტენდენტად პსჟ მიიჩნეოდა, მაგრამ  ნანტმა, მოულოდნელად, 32:28 დაამარცხა. მონპელიეს უფრო მეტი წვალება მოუწია და ბოლო წამზე გატანილი გოლის წყალობით, აჯობა ვარდარს.

ფინალში დაძაბული ბრძოლა გაჩაღდა. ნანტმა სირენამდე 9 წუთით ადრე, ანგარიში გაათანაბრა (24:24), მაგრამ ზედიზედ 5 გოლი გაუშვა და (24:29) და გამარჯვებულის ვინაობაც გაირკვა.

მონპელიემ ჩემპიონთა ლიგა კი მოიგო, მაგრამ ამ ტიტულთან შეხება არ აქვს ცხოვრებაძეს – ჩვენებური მხოლოდ მეორე გუნდში ირიცხება და მთავარი გუნდის წარმატებით დატკბა.

თუმცა, ფაქტი, რომ 17 წლის ქართველი ხელბურთელი ჩემპიონთა ლიგის მფლობელ გუნდში ირიცხება, სასიამოვნოა.



მსგავსი სიახლეები

ბოლო სიახლეები



Error
Whoops, looks like something went wrong.