საფრანგეთი

 2019/01/09 22:12

საფრანგეთი
მონაკოს უსიამოვნო ტრადიცია დაირღვა
ავტორი
სულხან არჯევანიძე

ლიგა 1-ის მეოთხე ტურში მონაკოს უსიამოვნო ტრადიცია დაირღვა. „მონეგასკებმა“ სტრასბუგრთან ჩატარებული შეხვედრა ისე ჩაამთავრეს, რომ წითელი არ მიუღიათ.

რამდენიმე ლიდერის გაყიდვის შემდეგ, მონაკო ძალიან აირია და გასულ სეზონში გავარდნას გადაურჩა. კარგად არც წელს გამოიყურება. პირველ ტურში ლიონი მიიღეს და 0:3 დამარცხდნენ. სწორედ ამ შეხვედრაში დაიწყო ზემოთხსენებული ტრადიცია. სტუმრები მე-5 წუთზე დაწინაურდნენ, ხოლო 30-ე წუთზე უხეშობისთვის მოედნიდან სესკ ფაბრეგასი გააძევეს, რასაც საბოლოოდ მატჩის წაგება მოჰყვა.

მეორე ტურში მსგავსი სიტუაცია იყო. მეცთან შეხვედრაში საწყისი წუთებიდან აგებდნენ, რასაც 34-ე წუთზე რუბენ აგილარის უხეშობა და გაძევება მოჰყვა. მონაკომ ისევ ორი ბურთი გაუშვა და 0:3 დამარცხდა.

მორიგ შეხვედრაში მონაკოსათვის ტაიმი შესანიშნავად ჩამთავრდა. ნიმთან დაპირისპირებაში არც მდევრის როლში იყვნენ და არც კაცნაკლულნი – 2:0. მათდა საუბედუროდ, მეორე ტაიმის მე-10 წუთზე ჟერმერსონმა წითელი მიიღო, რასაც მონაკოს კარში ორი გატანილი გოლი მოჰყვა – 2:2.

ლეონარდო ჟარდიმის შეგირდებმა სტრასბურგთან ბევრი იუხეშეს და 17 ჯარიმა მიიღეს. ამის მიუხედავად, მთავარმა არბიტრმა მათ მისამართით მხოლოდ 3 ყვითელი ბარათი გაიმეტა. მონაკომ სლიმანის დუბლით ტაიმი 2:1 მოიგო, მაგრამ 84-ე წუთზე გაუშვა და ისევ 2:2 ითამაშა.

4 ტურის შემდეგ, კლუბი 2 ქულით ბოლოსწინა, მე-19 პოზიციაზეა. მონაკო მორიგ ტურში მარსელს მიიღებეს. 



მსგავსი სიახლეები

ბოლო სიახლეები